ACM-icpc يعنى ايه

طيب ليه اتكتبت التدوينة اصلا !

المسابقة دى انا شخصيا ماعرفتش بيها الا بعد ماتخرجت يمكن لو كنت عرفت بيها وانا طالب كانت فرقت معايا جداا بس للاسف عشان مالقيتش اللى يقولى الكلام اللى مكتوب هنا ده ماخدتش فرصة انى اشارك فاللى انت بتقرأه كان فى يوم حلمى

اتمنى ماتهملوش وروح عيش بقى حلم كل اللى كان نفسه يشارك وماقدرش او ماسمعش بيها فى الوقت المناسب

قبل ماتكمل قراءة اعرف بس

لغة البرمجة هي مجرد اداة وليس وسيلة علشان تضيع وقتك فيه.
ركز في لغة معينة واعرفها لآخرها بدل ما تعرف 20 حاجة من القشور. محمد عبدالوهاب

التدوينة مكتوبة بالاستعانة بمصادر هتلاقيها مذكورة فى اخر التدوينة..

يعني ايه ACM !؟

 (ACM(Association for Computing Machinery

دى من أكبر واقدم المنظمات اللى ليها علاقة بمجال الحاسب (علوم حاسب -هندسة البرمجيات-نظم المعلومات … )وبتقدم ابحاث علمية في المجالات ده.

لو عايز تعرف معلومات اكتر ادخل على اللينك ده: http://www.acm.org/

كل سنة ..ACM بتعمل مسابقة برمجة على مستوى العالم اسمها icpc بيشارك فيها حوالي 40 team من كل الدول.(http://icpc.baylor.edu/)

المسابقة بتكون على 3 مراحل:

المرحلة الاولى (national): وده بتبقى على مستوى مصر ..بتتنافس فيه الجامعات عشان تتأهل للمرحلة التانية

المرحلة التانية(Regional):ده بتبقى على مستوى الوطن العربي ،واللي يفوز منهم بيتأهل للمرحلة التالتة والاخيرة

المرحلة التالتة(world finals): ده بقى على مستوى العالم واللي بيشارك فيها 40 team

ايه الشروط للانضمام للمسابقة ؟

http://icpc.baylor.edu/regionals/rules

 ايه الاستفادة اللى هتستفادها من المسابقة ؟

مجرد دخولك فى المسابقة بيضمنلك انك هتكون مبرمج افضل عشان المسابقة بتهدف لتنمية شوية مهارات عند اللى بيعرف يكتب كود ويخلوه يبقى مبرمج بجد بتدريبه على حل المشاكل والالوجرزمات المختلفة وازاى يفكر اصلا

ده غير انك لو أخدت مركز فانت بتضمن لنفسك وللمتميزين من فريقك مكان فى شركة من الشركات الكبيرة زى جوجل ومايكروسوفت وفيسبوك وغيرهم

ازاي تستعد لل ACM ؟

عشان نستعد ليها لازم نعرف الاول المسابقة بتكون ازاي !

في المسابقة سواء على مستوى مصر او الوطن العربي او حتى العالم ..انتوا بتكونوا عبارة عن team بيتكون من 3 أفراد بيحلوا عدد معين من الاسئلة ..ويرفعوا الحل بتاعهم على online judge وهو بدوره بيشوف الحل بتاعهم صح ولا لأ ..يبقى اول حاجة لازم نعرفها هو ال online judge ده ..

ال online judge ده وظيفته انه يشوف الحل اللي انت رافعه صح ولا لأ ..بيقوم مجرب على الكود (الحل بتاعك) شوية cases كده ويشوف هل الكود بتاعك عمل ال cases ده صح و لا لأ ..لو عملها كلها صح يبقى انت كده حليت السؤال صح ..لو واحدة من ال cases ده غلط حيقولك wrong answer ..وساعتها لازم تعيد الحل بتاعك تاني.

يبقى اول حاجة لازم نتدرب عليها هيا اننا نحل مسائل على online judge

ال online judge كتير منها :

http://codeforces.com/

http://spoj.com/

http://a2oj.com/

http://uva.onlinejudge.org/

http://livearchive.onlinejudge.org/

 online judge  وده مستند عاملاه جامعة القاهرة مشروح فيه https://docs.google.com/file/d/0B7ZVU3Ng5kV1V2lqd2o2bS1TQkdfWlZxNEVTcnEwUQ/edit

بقى فى أكتر من acm على مستوى الجمهورية دول اللى اعرفهم بس

https://www.facebook.com/groups/ACMICPC.FCICU/ القاهرة

https://www.facebook.com/groups/BenhaACMers/ بنها

https://www.facebook.com/acmASCIS عين شمس

https://www.facebook.com/groups/1510285882536078/1531729237058409 كفر الشيخ

https://www.facebook.com/events/1501285510112908/ المنوفية

التسجيل فى المجموعات بتاع المسابقة بيفتح كل شوية فتابع المكان الاقرب ليك

اول مابتسجل يبلغوك انك مقبول بتدخل على

Qualification contest

ولازم على الاقل تحل اقل عدد من المسائل االى هما بيطلبوها فى الوقت المحدد للاختبار

لو اتقبلت بقى بيبقى فيه مسائل بتبدأ تحل فيها من هنا

https://sites.google.com/site/acmicpcfcicu/level-1/phase-1

ولو متقبلتيش ممكن تحل المسائل دى لوحدك عادى كانك فى التدريب كل اللى بيفرق انك فى التريب ولا لأ هى لو فى التدريب لازم تتدرب علشان تقدر تدخل المسابقة البرمجية اللى بتتعمل كل سنة ولو مش مسجل معاهم خد المسئلة وسجل على المواقع دى وبعد كده حل عليها لوحدك وده بيعلى طريقة تفكيرك وكانك فى التدريب وممكن لو عندك اى حاجة تانية تسأل على الجروب بتاعهم

التسجيل بيكون عبارة عن 2 ليفل

التقسيمة ازاى كل ليفل فيها عدد من المراحل وكل مرحلة بيبقى ليها عدد من المسائل لازم تحلها علشان تدخل على المرحلة اللى بعديها لو خلصت كل المراحل اللى فى الليفل بتستنى تانى لحد لما التسجيل اللى بعديه بيبدأ علشان تسجل فى ليفل 2 وبيكون فى حاجات لازم تكون واصلها علشان تدخل ليفل 2 انك تكون اخضر على الكودفورسيس وثابت فيه فى اخر 6 كونتسن وفى التووب كودر بس فى اخر 4 بس

واهم حاجة فى فديوهات فى كل مرحلة كده اسمها sessions

لازم تتفرج عليها علشان تقدر تكمل المرحلة دى لانها هتسعدك كتير فى المرحلة اللى انت فيها دلوقتى

..كل اللي تعمله تاخد اسم السؤال وتحطه في جوجل وتدخل عليه وتبدا تحل ..لو خلصت وحليت صح

..حط AC عندك خانة السؤال اللي حليتها انت (طبعا مش حتحط في أي حتة D: ..انت حتروح لحد لإسمك وتشوف فين الخانة بتاعت السؤال وتحط AC )

ملاحظة:

AC=accepted

WA=wrong answer

TLE=time limit exceeded

IOI لو انت أصغر من انك تشارك  فى اعدادى او ثانوى ممكن تشارك فى المسابقة اللى اسمها

http://www.ioinformatics.org/index.shtml

ACM مش لازم تكون في الجامعة ممكن تدخل مسابقات وتستفاد وتتعلم صح فى حاجات كتير غيرال

1- https://code.google.com/codejam/
2- http://community.topcoder.com/tco14/
3- https://www.facebook.com/hackercup
4- http://codeforces.com/

المصادر

https://www.facebook.com/notes/10202229659528511/

https://www.facebook.com/events/786823011361412/permalink/791764367533943/

دى هانج اوت مابين الكوتش محمد عبدالوهاب ومحمد الشريف

كانوا بيتكلموا عن المسابقة وشروطها يارب تفيدكم